Yuridik fakulteti

Yuridik fakultetin temeli koyuldu bir vakıtta universitetlän. İlk bölüm student kabledildi  1990-ıncı yılda dekabridä.
1992-1993 yıllarda yurist bölümu ekonomika fakultetinin bir payıdır, 1993 -1997 yıllarda  millet kultura fakultetinin bir payıdır. 1997-nci yılda Administrativ hem Bilim Soveti kararladı yüridik bölümünü fakultet saymaa. Ozamandan beeri fakultet dekanı işleer doktor konferenţiar Zahariya S.K.
1997-ncı yılda yuridik fakultetin strukturasına 3 kafedra girdi: hak kafedrası (kafedra başı Nеdälkov İ.A.), soţial disţiplinalar kafedrası (kafedra başı doktor, doţent Maruneviç М.V.), yabancı dillär kafedrası (kafedra başı Bevza E.P.). «Hak» zanaatında studentlerä bilgileri vererlär üüsek kvalifikaţiyada speţialistlär, angıların var praktik işi hem bilim adı: doktorlar, doţentlär – Lebedev V.Ü.), Guzun V.U., Fedotov K.Ç.,  Tütekin Ü.İ., Şinnik D.N., İjiţkiy L.M., Rokaçuk M., Gorelko N.A.), baş üüretmennär – Kristioglo İ.P., Baurçulu A.P.,  Nedälkov İ.A., İnglis P.P., Moldovanın şan yuristi, Konstituţion Daavasında daavacı Kiseev N.M.
2005-inci yılda oktäbridä Moldova devletin Üüretim ministerlik kolegiyası kararladı yuridik bölümünä fakultet statusunu vermää.
Yuridik fakultetindä oçnik hem zaoçnik üüretmäk forması var.
Burada çalışêrlar üüsek kvalifikaţiyada speţialistlär, angıları bilim adlarını, pedagogika şannarını kabul ettilär. Onnarın büük praktik işi prokuratura, daava sistemasında var.
Fakultetin intelektual potenţialı:
doktor-habilitat, profesor – 5
doktor doţent – 9
magistr – 15
doktorant – 7
master – 3
Kafedralar:
-  kişilik hakı kafedrası;
-  publik hakı kafedrası;
-  soţial disţiplinalar kafedrası.
Bitki 5 yılın içindä «Hak» zaanatında 600 student diplom kabul etti.
Yuridik fakultetin var baalantıları Moldovada hem sınır aşırı bulunan universitetlärlän.
Moldova devletin Üüsek Kantarlamak hem Akreditaţiya Sovetin kararına görä yuridik fakultetin hepsi zanaatları akreditaţiya geçtilär.