|
|
|
Dekan yardımcısı – Osotova O.M., baş üüretmen
Adres: Komrat, Galaţan sokaa, 17
Telefon (+373 298)2-51-65
Е-маil -
Bu e-Posta adresi istek dışı postalardan korunmaktadır, görüntülüyebilmek için JavaScript etkinleştirilmelidir
Millet kultura fakulteti 1991-inci yılda fevralın onbirindä açıldı. Fakultetin temelini koydu baş üüretmen, ilk dekan Kristioglo I.P. Fakultet dekanı oldular: Kulikova A.P., Sibova E.H., Odnostalko M.Ü., Bankova İ.D.
Fakultetin ilk üüredicileri: Maruneviç M.V., Tanasoglo D.N., Pokrovskaya L.A., Gaydarcı G.A., Pometko S.V., Tanasoglo L.İ., Ţigler M.A., Sibova E.H., Baurçulu L.K., Bevza E.P., Gazibar İ.V., Patik V.V., Jugaru E.S., Dragalin V.G., Ţurkanu E.S., Jekova E.F., Milev İ.N., Gümüşlü D.V., Draganova S.F.
Fakultettä 15 yıldan zeedä çalışan üüretmennär: İofçu N.İ., İbrişim L.Ü., Kunçeva P.V., Malkova S.O., Rakovçena T.İ., Sulak S.K., Stanţoy N.G., Şögoleva T.İ.
Millet kultura fakultetindä altı kafedra var. Onnar hazırlêêrlar speţialistleri bölä uurlarda: «Pedagogika bilimneri», «Soţial bilimneri» oçnik hem zaoçnik üüretmäk formasında.
Kafedralar:
- gagauz filologiya kafedrası;
- bulgar filologiya kafedrası;
- rumın filologiya kafedrası;
- yabancı dillär filologiya kafedrası;
- pedagogika kafedrası;
- kultura hem incä zanaat kafedrası.
Millet kultura fakultetindä 650 student üürener.
Fakultetin intelektual potenţialı:
profesorlar - 4
doktorlar, doţentlär -12
baş üüretmennär -22
üüretmennär -34
metodistlär - 8,
laborantlar -3
12 üüretmen master adını kazandılar, 8 üüretmen doktoranturada üürener, 27 üüretmen proekttä «Воспитание, центрированное на студенте» pay aldılar, 3 üüretmen bu proekttä formator oldular.
Kafedralarda çalışan üüretmennär büük havezlän bilim, aaraştırmak, metodika işini ilerlederlär, monografiya, üüretmäk kiyatlarını, metodika tekliflerini hazırlêêrlar.
2010-uncu yılda Millet kultura fakultetindä üüretim merkezi «Pedagogika bilimneri» uurunda açıldı. Bu üüretim merkezindä kursları 426 kişi başardı: uşak başçasında terbiedicilär, başlankı klaslarda üüredicilär, gagauz dilindä hem literaturasında üüredicilär, bulgar dilindä hem literaturasında üüredicilär.
Millet kultura fakultetindä 5 üüretmäk kultura-metodika merkezleri var: Amerika merkezi, Almaniya merkezi, Grek merkezi, Britaniya merkezi, Azerbacan merkezi, Türkiya kultur merkezi.
1991-2010 yıllarda millet kultura fakultetindä türlü zanaatlarda 1647 speţialist hazırlandı.
Studentlerin var kolaylıı bilim uurunda aaraştırmak yapmaa, diplom proektini yazmaa; yabancı dilleri üürenmää; Greţiyada, Almaniyada, Bulgariyada praktikayı geçmää; bilim-praktik konferenţiyalarına katılmaa; konkurslarda, festivallerdä, sport yarışmaklarında pay almaa.
