Askerlik kafedrası

2002-nci yılda oktäbridä Komrat Devlet Universitetin Senatı kararladı Askerlik kafedrasını kurmaa. 2006-ncı yılda noyabrinin 1-indä bu kafedra açıldı. Kafedrada işleerlär: polkovnik, üüsek kategoriyada speţialist Gırbu S.İ., angısının medalleri var: « За безупречную службу», « За службу Родине I, II, III  степени. Polkovnik, Gagauziya Askerlik merkezinin başı, üüsek kategoriyada speţialist, baş üüretmen Kulikov A.A., angısının medalleri var: За отвагу",  "От благодарного афганского народа",  "За безупречную службу". Mayor Bulgak G.G., angısının medali «За службу Родине  III  степени» var.
         Büünkü gündä Askerlik kafedrasında 722 student üürenmesini başardı. Onnar lääzımnı bilgileri hem becermekleri kabul ederlär. Askerlik kafedrasını başannara serjant kvalifikaţiyası veriler.
Bu kafedrada var nicä üürensinnär 32 yaşınadan studentlär Moldovanın başka universitetlerindän dä, universitetleri başarannar da.
Askerlik kafedrasında lääzımnı literatura, plakatlar, görüm işleri, maketlär var. Herbir studentä askerlik rubası veriler.
Studentlär Kahul üüretmäk merkezindä teoriya bilgilerini praktikada kaavilederlär. Burada onnar askerlik zanaatınnan tanışêrlar. Praktik dersleri askerlik tehnikasında geçer.