|
|
Adres: Komrat,Tretiakov sokaa, 152
Telefon(+373 298) 3-14-67
E-mail –
Bu e-Posta adresi istek dışı postalardan korunmaktadır, görüntülüyebilmek için JavaScript etkinleştirilmelidir
Agrar-tehnologiya fakulteti 1991-inci yılda fevralın onbirindä açıldı. Fakultetin temelini koydu ilk dekan doktor habilitat, profesor Varban S.A.
Fakultetta 39 kişi çalışêr: profesor – 2, doţent – 6, baş üüretmen – 6, üüretmen – 16, metodist – 5, laborant – 4.
Studentlerä bilgi vererlär üüsek kvalifikaţiyada speţialistlär, angıların var praktik işi hem bilim adı: doktor habilitat, profesor Derendovskaya A.İ.; doktor doţent – Beoglu A.P.; doktor doţent – Zamaru B.G.; doktor doţent – Mitiş F.D.; doktor doţent – Podar V.D.; doktor doţent – Podar L.P.; doktor doţent – Fedotova L.V.
Üüretmäk proţesindä pay alêrlar üüsek uurda praktik speţialistleri: Keleş K.V. - «At Prolin» fermanın direktoru; Vornikov V.K. – Komrat dolayında Veterinar sanitariya hem hayvan malların korumu bakannıın öndercisi; Bas E.F. – Komrat dolayında büüyüm korumu inspetoru.
Agrar-tehnologiya fakultetindä anatomiyada hem gistologiyada, hayvan selekţiyasında, agroekologiyda, büüyüm fiziologiyasında, şarap tehnologiyalarında aaraştırmalar yapılêrlar.
Fakultettä çalışan üüretmennär tiparladılar: 4 monografiya, 70 metodika kiyatlarını, 300 - dän zeedä bilim işlerini hem 10 patent kazanabildilär. Disertaţiyalarını korudular: Erimiya N.G. – çiftçilik bilimnerindä doktor habilitat; Mitiş F.D. – tehnik bilimnerindä doktor; Belioglo N.A. – çiftçilik bilimnerindä doktor; Kara S.V. - çiftçilik bilimnerindä doktor.
1991-2010 yıllarda fakultetta 886 speţialist hazırlandı: 141 zooinjener, 40 zooveterinar, 239 agronom, 206 şarapçılık tehnologu, 157 konserva tehnologu, 64 himik-biolog, 39 veterenar doktoru.
Büünkü gündä Agrar-tehnologiya fakultetindä türlü zanaatlarda 269 student üürener. En ii üürenän studentlär praktikayı geçerlär Almaniyada, Velikobritaniyada, Turţiyada, Bulgariyada, Rusiyada.
Fizik kultura kafedrasında türlü sekţiyalar işleer: voleybol, futbol, güreş, basketbol. Studentlär-güreşçilär Evropa hem Dünnä sport yarışmaklarında en üüsek erleri kazanêrlar.
Kafedralar:
- hayvancılık malı tehnologiya kafedrası;
- büümcülük malı tehnologiya kafedrası;
- çiftçilik malı tehnologiya kafedrası;
- fizik kultura kafedrası.
Laboratoriyalar: himik laboratoriyası, ev hayvannarın morfologiya hem gistologiya laboratoriyası, at ferması, denemäk merası.
